молитва Великомученнику и целителю Пантелеимону

О великий Христов угодниче и преславный целебниче,великомучениче Пантелеймоне!Душею на небеси престолу Божию предстояй и триипостасныя Его славы наслаждаяйся,телом же и ликом святым на земли в Божественных Храмех почиваяй и данною ти свыше благодатию различная Чудеса источай,призри милостивным твоим оком на предстоящияся и просящия от тебе целебныя помощи и заступления:простри ко Господу Богу нашему теплыя твоя молитвы и исприси душам нашим оставление согрешений.Се бо мы,за беззакония наша не смеюще возвести очеса наша к высоте небесней,ниже вознести глас молебный к Его в Божестве неприступней славе,сердцем сокрушенным и духом смиренным тебе,ходатая милостива ко Владыце и молитвенника за ны,грешныя,призываем,яко ты приял еси благодать от Него недуги отгоняти и страсти исцеляти.Тебе убо просим:не призри нас,недостойных,молящихся тебе и твоея помощи требующих.Буди нам в печалех утешитель,в недузех лютых страждущим врач, напаствуемым скорый покровитель,очесем недугующим прозрения датель,ссущим и младенцем в скорбех готовейший предатель и исцелитель:исходатайствуй всем вся,яже ко спасению полезная,яко да твоими ко Господу Богу молитвами получившие благодать и милость,прославим всех благих источника и дароподателя Бога Единаго в Троице Святей славимаго Отца и Сына и Святаго Духа,ныне и присно и во веки веков.Аминь.
Это молитва Великомученнику и целителю Пантелеимону.